sunny wong dance union
sunny wong dance union

郭柏妍雙Mask救靚樣 陳楨怡滅瘡迎戰

sunny wong dance union
  • 上載日期:26/04/2022
東方日報 2020年8月27日

文章內容:

十強港姐昨日排舞,郭柏妍以奇招備戰,搭車期間敷Mask再戴口罩為皮膚「充電」;陳楨怡則靠阿媽湯水急救暗瘡。至於是非纏身的廖慧儀,則稱朝7晚10被網民狙擊。
《2020香港小姐競選》將於8月30日在將軍澳電視城舉行,十強佳麗昨日跟星級排舞師Sunny Wong練舞。大熱的郭柏妍與陳楨怡「舞功」不俗,「過江龍」謝嘉怡與黃婉恩舞藝則明顯遜色,動作生硬兼甩beat。 郭柏妍與陳楨怡表示小時候學過跳舞,現時會在家中對鏡練習。講到備戰決賽,郭柏妍原來有「絕招」:「依家朝早返嚟綵排,會爭取時間喺私家車上敷mask,希望決賽時個樣唔會咁殘,當然敷緊mask外面都會戴口罩。」早前面上爆瘡的陳楨怡,指經過媽媽的湯水及朋友送暗瘡膏急救後,已大有改善。 壽星女謝嘉怡扭傷腳 至於廖慧儀繼被揭紋身,近日又被毒舌網友狂轟,嘲諷是姣婆。她與男友Sam聯手反擊,指對方錯字百出,要好好讀書,獲網民讚敢言。她昨日受訪時說:「唔係反擊,啲人不停咁惡意批評,我只係留言叫對方『加油!』佢哋就朝7晚10咁留言,其他佳麗提我關閉留言功能,不過我唔介意,影響唔到我。(男友幫口反擊?)叫佢唔好講咁多,但佢忍唔住。(你寸網民要讀多啲書?)佢寫嘅中文睇唔明,仲不斷咁寫錯字,所以先叫佢學好啲中文。 (唔怕得罪網民影響投票?)如果唔鍾意我,我做乜佢哋都唔會鍾意。(男友話買你輸?)佢講笑啫!男友一直好支持我。」 另外,昨日生日的謝嘉怡笑言願望是攞冠軍,講到跳舞表現麻麻,她表示因之前穿高踭鞋時扭傷腳,跳舞時感痛楚而影響了表現

分享文章:

Copy